റോമിൽ വീണ്ടും പോകണോ? ട്രെവി ഫൗണ്ടനിൽ നാണയമെറിയാൻ മറക്കണ്ട!!!

ഇറ്റലിയുടെ തലസ്ഥാനമായ റോമിലാണ് വിശ്വപ്രശസ്തമായ 'ഫൊണ്ടാന ഡി ട്രെവി' അഥവാ 'ട്രെവി ഫൗണ്ടൻ' .

1732 ൽ പ്രശസ്ത വാസ്തുശില്പി നിക്കോളസ് സാൽവി രൂപകല്പന ചെയ്തതാണിത്. പക്ഷെ ഇതിന്റെ പണി തീരാനായി പിന്നേയും അനേക വർഷമെടുത്തു.

മൂന്നു വഴികൾ ചേരുന്ന എന്ന അർത്ഥം വരുന്നതാണു് ട്രെവി എന്ന വാക്കിന്റെ അർത്ഥം .പുരാതന റോമിൽ ജലം വിതരണം ചെയ്യാനായി ഇതുപയോഗിച്ചിരിന്നതായി പറയപ്പെടുന്നു .

ഗ്രീക്ക് ദേവൻ ഓഷ്യാനസ് കടൽക്കുതിരകൾ വലിക്കുന്ന രഥത്തിൽ നിൽക്കുന്ന ശില്പങ്ങളടക്കം ധാരാളം ചേതോഹരങ്ങളായ ശില്പങ്ങൾ ഇവിടെയുണ്ട്.

പുറംതിരിഞ്ഞു നിന്ന് വലതു കൈ കൊണ്ട് ഇടതു തോളിനു മുകളിലൂടെ നാണയത്തുട്ട് ഫൗണ്ടനിലേക്ക് എറിയുന്നത് ഇവിടുത്തെ ഒരാചാരമാണ്. നാണയം ഫൗണ്ടനിലെ വെള്ളത്തിലേയ്ക്കു വീണാൽ വീണ്ടും റോമിലേയ്ക്ക് തിരികെ വരാൻ സാധിക്കുമെന്നാണ് വിശ്വാസം.

ദിവസവും ഏകദേശം 5 ,OOO യൂറോ വരെ ഇവിടെ നിന്ന് ഇപ്രകാരം ലഭിക്കാറുണ്ട്.ഇത് പാവപ്പെട്ടവരുടെ ക്ഷേമത്തിനായി ഉപയോഗിക്കന്നു.

ഞാനും ഒരു നാണയമെറിഞ്ഞു. ചരിത്രം ഉറങ്ങുന്ന മനോഹരമായ ഈ സ്ഥലത്തേയ്ക്ക് ആരാണ് വീണ്ടും വരാൻ ആഗ്രഹിക്കാത്തത്?